Frå Skåbu

Dette er Hanna Sande (1875-1956) som i 1937 fekk diplom av Dyrebeskyttelsen for «Omhyggelig behandling av dyr».  Ho og systera Marit (1884-1960) dreiv Sikkilsdalsseter i mange år. I 1930 var besetninga på 16 storfe på bås, 30 geiter, ein hest og nokre
grisar. Dei rydda også bruket Sande i Skåbu i 1938. Der dreiv dei pensjonat (1947-1954) etter at dei hadde gitt seg i Sikkilsdalen. Det har støtt vore god kontakt mellom dei kongelege og Sande-familien. På sine eldre dagar vart systrene invitert til Slottet. Etterpå køyrde Kronprins Olav dei til Skaugum der damene fekk servert lunch. Da dei to systrene døydde, heldt Olav minnetale over dei i samband med påskeandakta i Sikkilsdalen.

Johannes Rønningen (Løvli) gm Berte Reiret 1878. Han spelte mykje til dans og med torararen sin. Blant anna var han fast spelemann i samband med danseopplæring av ungar. Jehans og Berthe bygde og slo seg til på Løvli (like ved Bygdahuset) i Skåbu. Der hadde dei ei ku eller to. Elles var Johannes både skogsarbeidar og tømmarfløytar. På bildet er han 80 år gamal.

Konfirmantane i Skåbu 1938. Fremst frå venstre: Jens Sæther, Arne Risdal, Trygve Veslum, Håkon Hage med Kari Hernæs på fanget, Ola Grosberghaugen. I midten: Ivar Berget og Ivar Kappelslåen. Bak frå venstre: Olga Syverhuset (Smikop), Kristine Været (Smikop), Bertha Kampeseter (Kristiansen), Maria Blekastad (Slåen), Astrid Sande (Steine), Camilla Andresen, Gudrun Askheim, Kristine Heide (Risdal) og Signe Øvre Fosse (Tårud). Bildet er tatt nord for skulehuset i Skåbu.

Frå Skabu rundt 1970

Skåbu. Ved Kampeseter Høifjellshotell mot Olstappen. Postkort: Normann, rundt slutten av 40-tallet.

Johannes Søre Risdal f. 1865, gm Karen Erlandsdotter Skabo f. 1863, arva gammelstugua som stod att der den samla Risdalsgarden stod. Han sette opp att denne ved bygdevegen og starta opp med landhandleri og postopneri. Seinare bygde han på og begynte med pensjonatdrift. Det har vore fleire eigarar her opp gjennom åra. Johannes selde staden i 1918 til I. A. Jensen og Dahl, eigarane av Myrens Mekaniske Verkstad i Oslo. Før 2. verdskrigen var eigedomen på forskjellige hender. Ein Skedsmo hadde det som feriestad og Filadelfiaforlaget dreiv med verksemda si her i fleire år. Ein av pinsevennane, Johansen, sette også i gang heimebakeri på Vinsterlia. Karin Hoel, mor til skodespelaren Willy Hoel, kjøpte staden og dreiv med pensjonatdrift ein del år. Dei selde til Knut og Kari Skogstad, og dei dreiv pensjonatet til 1965. Da kom det ein engelsk familie dit ved namn Franklin. Dei var profesjonelle musikarar og dreiv både med musikkopplæring og pensjonatdrift. Ronald var ein svært god pianist og hadde elevar rundt omkring i Gudbrandsdalen. Liz var songarinne og hadde hatt sin debut i London. I 1977 selde dei og flytta til Telemark. Verktykonsernet Luna AB frå Sverige blei nye eigarar. Dei skulle ha plassen som feriestad til arbeidarane sine. Dei bordkledde den gamle bygningen. Dei siste 20 åra er det familien Rostoft som har vore eigarar av Vinsterlia. Dei har restaurert og kosta på eigedomen betydelege summar. Det har vore ein del kjendisar der. Willy Hoel er ikkje den einaste skodespelaren som har vore der. Både Martin Gesti og musikarane Barratt Due og Liv Glaser har feriert på staden. Huset til høgre var gardsmeieri. Det var fleire gardbrukarar i Skåbu som slo seg saman og starta opp med produksjon. Drifta vart truleg lagt ned før 1920. Huset vart selt til Anton Brenden og står enda på bureisingsbruket Solheim.

«Bakkerud høifjellspensjonat», som det heitte i reisehandbøkene den gongen. Eit av dei mange pensjonata i bygda i gamle dagar. Ved vegen ser vi den legendariske Heide-butikken. (Foto Normann)

Slangen seter Skåbu på 1950-talet. Foto Normann

Kampeseter i gamle dagar.

Prinsehytta i Sikkilsdalen

Prinsehytta med nybygg.

Kamsfossen Skåbu

Kamsfossen Skåbu

Sigurd Sande (Majoren) i Sikkilsdalen.

Bryllupet til Anton og Karen Fosse på Kampeseter juni 1926. Vi kjenner att nokon av gjestene. Den lille guten til venstre på benken er truleg Olaf Granslåen. Av dei som dansar ser vi Johan og Mari Risdal, fremst innved gjerdet til venstre. I midten eit ukjent par, og til høgre for dei Karen og Ola Brenden. Til høgre (nærast benken) ser vi fru Nyvold i kvit kjole.  Er ikkje sikker på kven ho dansar med. Olaug Askheim Aas: Johan Risdal dansar med ei dame i kvit bluse (kanskje kona,Mari?). Men nærast fotografen, dansar Ola Askheim med ei dame i mørk kjole. Dama liknar på Karen ((brura).

Olstappen. Buom mot almenningssaga. Dette er neddemt i dag.
Olaug Askheim Aas:. Meiner vi sitt ved restane etter fjøset til Mari og Hans Buom, dei siste fastbuande der. Bildet viser Sigrun, f. Elstad frå Eidsvoll, på fanget sit Olaug Askheim og til høgre Gudrun Askheim. Almenningssaga i bakgrunnen vart fløtt til Nørdre Hølmyren i 1950-åra. Idyllen Elvenes ligg nå under fleire meter vatn ved oppdemd vasstand.

Båtbyggjaren Kristian Kappelslåen.

Olstappen 1933. Kua vassar den gamle ruta i staden for å bruke brua. t.h: Olaug Askheim. Olstappen 1933..
Olaug Askheim Aas: Bildet er teki av Ola Askheim utafor gjerdet ved Elvenes. Kua vassa ofte over elva for å koma over til rikt beite utpå Håggåøya (i dagligtale kalt berre Øya). Jentene på bildet er Gudrun og Aase Askheim.
(Olaug er ikkje med!)

Biltur i Skåbu (foto frå Per Ottesen)