Category Archives: Uncategorized

Årsmøte i historielaget onsdag 9. september

Styret i Fron historielag inviterer til korona-forseinka årsmøte på Sødorp Gjestivargard onsdag 9. september kl 19. I tillegg til mykje anna godt kjem Arild Teigen og fortel frå boka si Falne døler 1940-45.

Så nå er det på tide å melde seg inn i Fron historielag! Eller hugse å betale medlemskap for 2020, om du har gløymt det. Kr 200 til konto 2095 32 92735 Fron historielag, 2640 Vinstra. Oppgje epost-adresse. Da er du med på viktig frivillig arbeid for kommande generasjonar. Du tar vare på tradisjonane, du er med på å skape vitalitet i Fron,
og det styrkar sjølvkjensla. Og du kan altså bli med på årsmøtet, ein triveleg kveld med vanlege årsmøtesaker, biteti og Arild Teigen. Har du ei sak du ønskjer å ta opp på årsmøtet, må styret ha ho skriftleg innan 31. august.

Styret ønskjer nye og gamle medlemmer vel møtt.

 Styret i historielaget 1019-2020: Frå venstre: Eivind Holen sekretær, Nina Berge Rudi bokansvarleg, Marit Haakenstad styremedlem, Egil Myhre nestleiar, Gunnar Lien styremedlem, Ole Christian Risdal leiar, Åge Hagestuen kasserar. Ragnhild Wadahl var ikkje til stades.

Illustrasjonsbilete frå DigitaltMuseum

For nøyaktig 80 år sidan var Kvam åstaden for nokon av dei hardaste kampane i Sør-Noreg under den andre verdskrigen. Kampane pågjekk den 25. og 26. april etter at tyskarane hadde invadert Noreg, og britiske styrkar hadde gått i land for å støtte det norske forsvaret. Britiske  og norske styrkar hadde posisjonert seg rundt omkring på Viksøya for å prøve å forsinke fienden så mykje som mogleg. Det kom til harde trefningar der britane mista 54 mann. Dei norske tapa var fire soldatar, i tillegg til tre sivilistar frå Kvam og Brekka (Mari Bakken, Petter Klomstad og Søren Sørensen). Tyskarane oppgav at dei hadde mista fire mann den fyrste dagen. Mange av innbyggjarane måtte i hui og hast rømme til fjells medan bygda deira vart fullstendig rasert. Meir enn 70 hus, inkludert den flotte kyrkja frå 1775, brende ned. I går var det ei verdig markering i Kvam, der ordførar Støstad heldt ei sterk og og flott tale: https://www.nord-fron.kommune.no/aktuelt/80-ars-minnemarkering.14886.aspx.  Les meir om kampane i Kvam her: https://fronhistorielag.com/2019/04/03/i-strid-for-forste-gang-i-sitt-liv/

Droppeplassen Gunnar får minneplate

Det blåste hardt over en liten myr ved Kirstislåhøgda øst for Gålå i Sør-Fron fredag. Men karene som arbeidet ved en stor stein ute på myra, enset ikke vindkastene. Det blåste også den natten for 37 år siden, da de lå og ventet på to fly fra England. Den gangen lå det tyske soldater på Gålå – bare fire km unna – og for at droppene skulle bli vellykket, var alt planlagt i minste detalj. Operasjonen fredag var like godt planlagt. Ingen ting var overlatt til tilfeldighetene da en minneplate over droppeplassen «Gunnar» ble satt opp.

Dei gjekk på Ruste skule i 1894

Bli med på gåtur gjennom Rustmoen, tysdag 29. mai. Kl. 18.00. Oppmøte Ruste barnehage.
Historie og historier ved Anders, Lodver og Johannes. Føremålet med turen er å fortelje om plassar som er vorte borte, og om folk som har fløtt ut- utvandring – og andre fløtt inn. Og litt om den nedlagde skulen. Og litt om grusuttak og industri. Anders Haugen og Lodver Bryhn har brukt kyrkjebøker og folketeljingar for å kartleggja folkefløttinga. Johannes Lunde med god hukommelse og lokalkunnskap vil krydde turen med historier.
Ta med kaffe og noko å bite i. Det blir kafferast.

Torsdag 19.10. kl. 19.00 arrangerer Fron mållag kulturkveld på bygdahuset i Ruste. Her blir det utdeling av Fron mållags målpris for 2017, musikk ved Hans og Rasmus Kjorstad og Magnhild Bruheim kjem for å fortelje om lyrikaren Jan-Magnus Bruheim. Elles blir det kaffi og biteti. Inngang: 100,-