Category Archives: Informasjon

Her blir det triveleg!

Kommenter innlegget

by | 20. oktober 2022 · 20:45

Kvinna i mjølkebilen

Du møter ho i biblioteket på Vinstra torsdag 27. oktober

Den kvinna som tittar ut gjennom vindauget på mjølkebilen. Kven er ho? Ta turen torsdag 27. oktober kl 19 til biblioteket på Vinstra. Der kan du få Fronsbygdin 2022 i handa for første gong. Det er alltid triveleg når redaktørane legg fram det dei har jobba godt med siste året, ei innhaldsrik årbok med stimulerande lesestoff. I år åpner boka med ei kvinne du kanskje ikkje har hørt så mykje om: Anka Borch, som skeiv mange barne- og ungdomsbøker på midten av 1900-talet. Særleg kjend for småbarnsbøker lagt til eit harmonisk bygdemiljø. Ikkje minst gjeld det dei tre fjøsnissebøkene To små fjøsnisser (1943), Trollet i Nåsafjellet (1944) og Huldra i byen (1945). (Og boka Amor i beksøm.) Kva gjer ho så i Fronsbygdin? Jo, ho henta mykje av stoffet sitt frå Pinsetra ved Koltjønnhaugen på Sødorpkjølen! Åge Jevne Hagestuen har skrive ei god historie om Anka Borch. Ein av mange grunnar til å sikre seg Fronsbygdin 2022!

Kommenter innlegget

Filed under Informasjon

Amor i beksøm

Slår til torsdag 27. oktober!

Vel møtt på biblioteket Vinstra kl 19!

Kommenter innlegget

Filed under Informasjon

Nå er også Vinsterlia med

i oversikten over gardsbruk i Skåbu

Vinsterlia er no lagt til i Skåbu i Utvida norske gardsbruk på denne heimesida. Det gamle pensjonatet har vore eit landemerke i bygda i over 100 år. Sjølv om det ikkje har vore drive noko jordbruk her, så har det iallfall vore landbruksrelatert verksemd, saman med mykje anna interessant gjennom tidene. Derfor finn ein det naturleg å ta det med. Du finn Vinsterlia under andre «Nokre andre bruk og plassar…..»

Kommenter innlegget

Filed under Informasjon, Jordbruk

Givande markvandring på Lomsetra

Vel 50 personar møtte opp til markvandringa på Lomsetra førre sundag. Det blei ein svært triveleg og innhaldsrik dag. Det var som vanleg Anders Haugen og Lodver Bryhn som stod bak dette. Dei hadde alliert seg med Jan Karenstuen, Ragnar Thor Mariasson og Olaf Nøkleby for å få arrangert dagen. Les meir

Kommenter innlegget

Filed under Informasjon, Setring

Triveleg og interessant bygdekveld i Kvikne

Det blei ei fin stund da Fron historielag arrangerte bygdekveld i Kvikne onsdag kveld. Det heile starta med at Kristian Ekre viste oss rundt i den nyrestaurerte kyrkja. Han delte av sin breie kunnskap og vi fekk god forståing av korleis restaureringa hadde foregått.

Les meir

Kommenter innlegget

Filed under Informasjon

Opplev Borg bygdemuseum og Kvikne-kyrkja!

Og bli medlem i historielaget 🙂

Her er sjølve «hovdingen» på Borg, Olav T. Åsmundstad. Han får du høyre meir om!

Onsdag 24. august kl 1800 får du nok ein god grunn til å melde deg inn i Fron historielag, for berre medlemmer i laget kan vere med på dette: Oppleve Borg bygdemuseum i Kvikne og få historia frå Marit Håkenstad! Etterpå fortel Kristian Ekre om Kvikne kyrkje, som er opna att etter omfattande restaurering. Kyrkja kunne rast saman etter 256 år! Kaffiservering vert det òg! Slik melder du seg inn i historielaget: Kr 200 til konto 2095 32 92735 Fron historielag 2640 Vinstra. Oppgje epostadresse. Velkommen til Borg bygdemuseum og Kviknekyrkja!

Kommenter innlegget

Filed under Informasjon, Kunst og handverk

– Det mest imponerende dyrkingsfeltet!

Bli med til Lomsetrene på markavandring

Slåttekarar på Lomsetrene sommaren 1968: Engebret Klypen, Ottar Flatmoen, Ragnvald Frøyse, Pål Kristiansen, Ole Skogen, Sverre Båtberget, Ottar Randen, Hans Karenstuen, Odd Tarud, Ottar Karenstuen, Nils Slåen, Thor Slåen, Arne Marstein, Johan Brånå, Ole Jordalsløkken, Sigurd Skogen, Paul Brenna, Harald Kvernstuen, Olaf Rudlandsløkken, Ottar Maurstad, Knut Flatmoen, Bjarne Kvernstuen og Ola Åsen. FOTO: DAGNINGEN

Køyrer du Peer Gynt vegen forbi Lomsetra, blir du trulig imponert over det store dyrkingsfeltet der. Ein gong var det ei stor myr. I 1955 starta arbeidet med å gjere myra til dyrka mark. «Det mest imponerende dyrkingsfelt på fjellet i hele Norge». Sa ein professor på midten av 1950-talet. Du kan lese meir om historia til Lomsetrene i DØLEN. Bli med på ei markvandring her søndag 21. august kl 11. Ragnar-Tor Mariason og Lodver Bryhn fortel historia. Frammøte og parkering ved kontaineren i vegkrysset på Lomsetrene. Servering av kål og kaffe. Bomveg.

Tove Østby laga ein video om seterlivet med utgangspunkt i si eiga historie på Lomsetra:

Kommenter innlegget

Filed under Informasjon, Jordbruk, Setring

Gåtur i Kviknebaklia torsdag 7. juli kl. 18.00

Hesjing på Golobrenna. Dette er eitt av dei bruka som skal vitjast på torsdag. Bilete frå «Du væt du e frå Ruste når…» på FB.

Frammøte ved Huskelia. Dei som vil ha ein lengre tur, parkerer bilen i Huskelivegen og går nordover. Vi startar turen ved Huskelia kl. 18.00 og held ei orientering.

Det vil bli synt fram og fortalt om dei 8-10 plassane som på 1800-talet låg etter denne vegen.

Ta med kaffi eller noko anna å drikke. Det blir kaffirast undervegs. Ha på gode sko.

Kjentmenn: Anders Haugen og Lodver Bryhn.

Vel møtt!

Kommenter innlegget

Filed under Informasjon

Gamle vegar i Fryaområdet

Sundag 29. mai blir det tur med omvising/orientering langs gamle vegar i Fryaområdet ved vegekspert Geir Paulsrud og lokalhistorikarane Gunnar Lien og Jon Ødegård.

Frammøte og parkering ved tidlegare Fryatun kl.12.oo. Ta med litt mat og kaffi på turen. Dette er eit samarbeid mellom Fron – og Ringebu historielag.

Turen er også annonsert i lokalavisa Dølen.

Vel møtt!

Kommenter innlegget

Filed under Informasjon