Category Archives: Informasjon

Få garder i Norge har en så rik historie

Steig gjennom 1000 år – unik gardshistorie fra Fron

I boka «Steig gjennom 1000 år» gir forfatteren Nils Chr. Steig for første gang en samlet framstilling av historien på Steig. Garden er nevnt i historiske kilder gjennom hver eneste århundre siden 1000-tallet og representerer en unik gardshistorie.

Steig på begynnelsen av 1900-tallet

Norrøn tid

Den kjente historien på Steig begynner med Tord Guttormsen Istermage. Etter kristningen på Hundorp gifter han seg med Olav den Helliges tante. Hans sønn «Steigar-Tore» gir kongsnavn til sitt søskenbarn Harald Hardråde og fostrer opp en konge, Håkon Magnusson Toresfostre. Hans barnebarn Ingebjørg blir landets dronning, gift med kong Øystein Magnusson. Siden hører vi om at Kong Sverre og birkebeinerne bodde på Steig et par ukers tid. Det fortelles om at Håkon IV Håkonson som reiste en festsal på garden og om at han restaurerte kapellet der i årene rundt 1250. Steig var siden kongsgard opp gjennom mange hundre år. Få garder i Norge har en så rik historie fra norrøn tid som Steig.

Les meir

Kommenter innlegget

Filed under Informasjon

La oss gjere dette saman!

Ditt bidrag: 200 kr for medlemskap i 2021

Har du fått ein slik i posten?

Fron historielag gjer ein viktig frivillig innsats for lokalsamfunnet, storsamfunnet og ufødde generasjonar. Med å ta vare på det som har vore: bygningar og reiskap som tidlegare generasjonar nytta, spor dei sette i naturen, lagnader dei levde, draumar dei drøymde, tankar dei tenkte og ikkje minst: dei minna som berre finst i hovudet på folk, og som må ned i skrift eller på videoopptak. Slik medverkar historielaget til at nye generasjonar kan vere i ein naudsynt og skapande dialog med fortida.

Fron historielag er ein idealistisk organisasjon. Vil du bidra til at laget lever vidare? Støtt det arbeidet laget gjer. La oss gjere dette saman. I desse dagane får du denne i postkassa. Bli medlem i 2021. Har du ikke fått giro? Enkelt å bli medlem. Berre 200 kroner til konto 2095 32 92735, Fron historielag, 2640 Vinstra. Oppgje epostadresse.

Velkomen som medlem i 2021!

Årsmøtet i historielaget ville normalt ha vore nå i april, men også i år blir det utsett til hausten.

Kommenter innlegget

Filed under Informasjon

Ein god æresmedlem

Til minne om Vegar Skar (1945-2021)

Vegar Skar, (1945-2021) æresmedlem i Fron historielag

RASMUS STAURI: I 2020 vart Vegar Skar frå Sør-Fron utnemnd til æresmedlem i Fron historielag. Han gjekk bort 21. februar i 2021, og fekk såleis glede seg over æresmedlemskapet i historielaget det siste året han levde. Det synlege uttrykket hekk på veggen på rommet hans på Sørheim omsorgssenter, der han budde ei tid før han døydde. Vegar Skar vart fødd på bruket Nedre Skar 23.9.1945 og var yngst i ein syskenflokk på tre – ein ordentleg attpåklatt. Etter eit par år flytta familien ned i bygda til plassen Furumo nedafor Lillehove i Sør-Fron, og her voks han opp. Han reiste ut på kvalfangst midt på 1960-talet, og han arbeidde på Vinstra-anlegget og Harpefoss-anlegget før familien flytta til Drammen. Resten av arbeidslivet arbeidde han som bygg- og anleggsarbeidar i Oslo. Han og Else (f. Wahlquist) fekk fire ungar; dei opplevde å bli besteforeldre, og dei fekk også eit oldebarn.

Les meir

Éin kommentar

Filed under Informasjon

Få med deg kjentfolk på tur!

Det er berre å laste ned appen Hidden

«Eingong seint ein julekveld fik´n Peder Dass bo frå konga i Kjøbenhavn at´n skull kåmå å præke før hoffe tile juldagsmorgon.» Så fekk presten skyss med fanden. Dette sagnet finn du på appen Hidden når du oppsøkjer Sødorp-kyrkja. På appen er det kart, der du ser all informasjon som er lagt inn om stader og fornminne og segn i Fron. På bildet under kan du sjå at det er over 250 av dei både i Vinstra- og Hundorp-området. Det skal visstnok vere fritt fram for å bidra med fleire segner og meir informasjon. Det er berre å trø til! Meir om appen finn du her.

Éin kommentar

Filed under Informasjon

Har det stått noko om oldemor?

Stor interesse for Fronsbygdin

Egil Myhre har mykje godt på lager

 

Nå er det tid for bok! Og har du ikkje sikra deg godbiten Fronsbygdin 2020, kan det snart vere for seint, for lageret er bortimot tømt, seier boksansvarleg i historielaget, Egil Myhre. «God spennvidde i tid og tema frå historielaget», skreiv Dølen om boka. Egil Myhre har sendt ho ut til heile landet, frå Jæren i sørvest til Hammerfest i nord. Omlag 80 pakker med bøker gjekk ut. Eit område skil seg ut: Indre Østfold i Viken fylke. Hit gjekk det fleire bokpakkar enn til nokon annan stad. I nokre år har det vore ei ordning med at du kan abonnere på Fronsbygdin og få ho uoppfordra tilsendt i posten. No i haust glapp det litt, men det er berre å melde interesse til egilm@bbnett.no tlf.: 970 67 723, så kjem Fronsbygdin 2021 i posten lanseringsdagen. Les meir

2 kommentarar

Filed under Informasjon, Kunst og handverk

Erling Rolstad fekk flest besøk

Over 100 000 klikk på denne heimesida i 2020

«I familien Rolstad var det ungane som fekk oppgåva å hente «lappar» dei kunne handle det aller mest nødvendige for. For å dekkje over fattigdomen gjekk dei gjennom skogen for ikkje å bli sett.» Det er Hans Odenrud si forteljing om Erling Rolstad, den fyrste som etablerte seg på Lomoen, mest lest på denne heimesida i 2020. I april la Ole Christian Risdal ut oversikt over 100 småbruk/gardsbruk i Skåbu, oppdatert og krydra med meir historikk. Nestan kvar dag sidan har nokon vore inne og lest. Meir enn 1600 i alt. I mai 1979 vart Ola Kristian Brenden, småbrukar frå Skåbu, slått ned av ei bjørnebinne med to ungar i Murudalen. Bortimot 1200 klikka seg inn på den historia. Nestan like mange las om Kari Roen, som både lensmann og prest var ute etter, men ho svara så godt for seg at dei kom ingen veg.

Heimesida til Fron historielag takkar for samværet i året som gjekk og gler seg til nye historier i året som kjem.

I alle dei blå landa var det folk som las heimesida til Fron historielag i 2020.

Kommenter innlegget

Filed under Informasjon

Forteljarkveld torsdag 5. november

 

Det blir forteljarkveld i Sør-Fron kulturhus torsdag 5. november kl. 18.30. Asbjørn Myrvang vil fortelje både om og frå den gamle skulen på Glasmestermoen. Her blir det fokus på skulesoge og på den store betydninga og rolla skulen hadde i lokalsamfunnet. PS! Koronasikkert arrangement. Gratis inngang! Vel møtt!

Kommenter innlegget

Filed under Informasjon

Janna fekk flest lesarar i oktober

«Husker godt ho Janna, vi var litt redd ho for ho prata så rart. Husker ho holdt i tennene sine da ho prata for at de ikke skulle falle ut. Janna var nok itte dum, hadde mye fornuftig i seg.» Janna Lien, ein underleg kvinnelagnad det ikkje er skrive så mykje om, tiltrekte seg flest lesarar i oktober. «Det er mange hotell på Gålå, men berre ein hovding.» Nesten seks hundre såg NRK-programmet med Trygve Wadahl frå 1991. 27 av drøyt 9000 klikk kom frå Kina.

Kommenter innlegget

Filed under Informasjon

Her finn du det, alt saman!

Innhaldet i Fronsbygdin gjennom 17 år

Nå er oversynet ajourførd. Rull deg gjennom denne sida, og du finn alle artiklane som har stått på prent i årboka sidan 2003. Du finn sida her til høgre. Ho ser slik ut:

Det er litt av ei samling lokalhistorie! Nokre av artiklane er lenka opp, det tyder at utdrag av dei er lagt ut på denne heimesida. Har du ikkje bøkene, kan du få dei ved å kontakte Egil Myhre:

 egilm@bbnett.no
tlf.: 970 67 723

Kommenter innlegget

Filed under Informasjon, Kunst og handverk

Forteljarkveld i Sør-Fron kulturhus torsdag 5. november

Det blir forteljarkveld i Sør-Fron kulturhus torsdag 5. november kl. 18.30. Asbjørn Myrvang vil fortelje både om og frå den gamle skulen på Glasmestermoen. Her blir det fokus på skulesoge og på den store betydninga og rolla skulen hadde i lokalsamfunnet. PS! Koronasikkert arrangement. Det vil også bli lagt opp til omvising på Glasmestermoen. Ope for alle medlemmar. Vel møtt!

Kommenter innlegget

Filed under Informasjon