Presterolla var utfordrande før i tida også. Dette brevet frå 1890 var tenkt til kyrkjestatsråden, men vart stoppa av sorenskrivaren på Heggerud. Frøningane er lei av «gamle og til dels udslidte Præster»! Det treng ein prest som har energi og kjærleik for kallet sitt og krefter nok til å tåle dei slitsame ride- eller spaserturane dit det ikkje kan køyrast. Men eit slikt opprør ville ikkje sorenskrivar Beer ha noko av.
Filed under Folketru
Nokon har gjort hærverk på Bygdatunet på Vinstra. Knust glasruter og rive ned steinmur. GD skriv om saka. Tormod Bråten, leiar i Fron historielag, seier dette:
«Det er kanskje ikkje alle som veit at Fron Bygdatun er eigd av Fron historielag. Historielaget er ein organisasjon basert på frivilligheit og dugnadsarbeid. Vi har som målsetting å ta vare på historia vår i Fronsbygdene gjennom bygningar, gjenstandar, kulturminne, filmar, bilde og forteljingar. Det er derfor vi mellom anna gjev ut Fronsbygdin kvart år, for å samle forteljingane, som så fort kan gå tapt.
Dei synlege historiske minna, slik som bygningane, er lettare å sjå, men og så lette å øydeleggje. I det seinare har det vore gjort hærverk på Bygdatunet, med knusing av glasruter og noko nedriving av steinmurar. Vi set stor pris på at Bygdatunet blir brukt, men da på ein måte som ikkje øydelegg det for framtidas frønigar. Bli heller med oss og ta vare på framtidas historie.»
Nokre øydelegg, andre er til stor hjelp. Føretaket Weikle på Vinstra tok torsdag kontakt med Bråten med melding om at Bygdatunet skulle få nytt vindusglas frå dei.
– Det sett vi veldig stor pris på, seier Bråten.
Filed under Informasjon
Da Fron historielag tok til å sjå seg om etter ein høveleg plass til bygdatun, hadde Milsteinlykkja god byggegrunn, låg nær saga og kverna ved Sula. Dette var store fordelar. I 1975 kom arbeidet i gang. Målet var å byggje opp eit husmannsbruk i det øvste skiktet med dei husa og det utstyret som naturleg høyrde til. Her er fjos til 4-5 kyr, stall, stabbur, låve og smiu. Kom og sjå lørdag 10. juni kl. 11. Vi får besøk av smed frå Pål Liens smie, som vil syne fram smedarbeid. Husflidslaget demonstrerer brikkevev og nålebinding. Historielaget spanderer kaffe og «bite-ti». Saga og kverna blir ikkje køyrt denne denne dagen, så all aktivitet blir samla på Bygdatunet.
Les meirFiled under Informasjon, Kunst og handverk
Ein gong var det tradisjon å ringe inn pinsa med matklokkene. Det song i bygda i vårkvelden. Ein god tradisjon som vart borte. Historielaget vil bidra til å få liv i han att. Bli med, alle i Fron som framleis har matklokker. Ring pinsa inn pinseaftan kl 17. Prestekontoret støttar opp om ordninga. På mange gardar heng matklokka der framleis. Fron historielag har tatt på seg å lage oversyn over alle dei. Kva for gardar ringde folket heim? Kvar er desse klokkene nå? Når vart det støypte? Og kvar? Historielaget treng deg og det du veit. Det er Marit Håkenstad som samlar informasjonen. Ta kontakt med ho: sms på tlf 911 23 056. Men nå altså: La matklokkene kime pinseaftan kl 17.
Filed under Folketru, Kunst og handverk
Bergdal skole 2008. Elevene ble overført til Liene i 1961. Bergdal fungerte så som grendehus ei tid. (Foto: Odd Ivar Storløkken)
ODD IVAR STORLØKKEN: I 1949 gikk 15 elever i 17. mai-tog fra Bergdal skole. Ruten vi gikk, var lang for unger i 17. mai stas, men jeg husker ikke at noen klaget. En ting er imidlertid helt sikkert – det var ikke mange folk langs ruten der dette lille 17. mai toget gikk. Les meir
Filed under Kommunikasjon, Kunst og handverk
Bjarne Lien 21.9. 1915 – 19.4. 1940
ODD MIDTLIN: Bjarne Lien var den einaste sør-frøningen som fall i kamp under andre verdskrigen. Han fekk mobiliseringsordren den 10. april 1940 og meldte seg straks ved avdelinga si, motormitraljøseeskadronen ved Oplandske Dragonregiment på Hamar. Regimentsjef Jensen fortel dette om kampane Bjarne deltok i: Les meir
Filed under Biografiar, Menn
Onsdag 10 mai kl. 18.00 inviterer historielaget til dugnad på bygdatunet på Vinstra. Så blir det vent og grønt til brurepara kjem og skal fotograferast, til smårolligane kjem og får litt historie, og folk som køyrer forbi, ser at det er frodig og godt stell. Det kan bli ei triveleg stund med litt raking og bygdaprat og anna godt. Ta med rive og kopp, så kjem historielaget med kringle og kaffi. Vel møtt!
Filed under Informasjon
Bli med toget frå Lillehammer til Dombås i 1920! Utruleg morosamt å sjå. Folk og klede og bilar og ski og mykje anna. Mange gode bilde frå Fron. Terje Bjørkheim har gjort historielaget merksam på denne stumfilmen som Nasjonalbiblioteket har lagt ut. God tur!
Filed under Kommunikasjon
PER OTTESEN: Det er 85 år sidan ein av dei største flommane i historisk tid gjorde livet surt for mang ein døl. Ved hjelp av Dagningen frå 5. september 1938 og Iver Forseth sin artikkel i Årbok for Gudbrandsdalen for år 2000 skal vi sjå på kva som skjedde denne dramatiske veka. Gudbrandsdalen har hatt mange store flommar. For oss står nok den såkalla ”Storofsen” i 1789 som den absolutt verste, men Forseth fortel at det i 1348 var ein flom som til og med set Storofsen i skyggen. Så er den da også denne kalla ”Digerofsen”! At denne flommen kom på same tid som ”Svartedauden” gjorde ikkje ting lettare.
Les meirFiled under Jordbruk, Kommunikasjon
Oddrun Stormorken Rudland som konfirmant i bunad sydd under okkupasjonen. Foto: H.H. Lie eftf.
Oddrun Rudland frå Stormorken i Kvam var knapt 13 år da Noreg vart okkupert i 1940. – Ein og annan privat fest var det. Da hende det at vi vart forstyrra av tyskarane. Eg trur ikkje dei kom for å skræme oss. Dei var unge, dei òg, ville gjerne vera med i dansen. Men vi var for unge til å skjøne at desse unge soldatane var folk, dei og. Ein ung tyskar baud meg opp til dans ein gong. Da spytta eg han rett i anletet. Det ville eg aldri gjort i dag. Men vi var nok redde tyskarane, fordi vi vart skræmde med dei og innprenta å halde avstand, fortalde ho i ein samtale med Ivar Myrstad i 2005.
Les meirFiled under Biografiar, Kvinner
Logoen til Fron historielag, teikna av kunstnaren Ragnvald Frøysadal etter ein gamal kyrkjering frå Steig i Sør-Fron.
Rakfisken på plass! Filert, flådd eller i butt.
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 250 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Carl Henrik Grøndahl
carlhenrikgrondahl at gmail.com
Nå er tida for å kose seg med Frons-historie i godstolen. Vi har mykje godt på lager!
Fronsbygdin alle årgangar 2003-2022. Her er det allsidige, nyttige, morosame og tankevekkjande artiklar som teiknar eit fargerikt bilde av generasjonar, av draumar og slit, liv og død, kvardag og fest. Er du fortruleg med fortida, er du på lag med framtida. Fronsbygdin gjer deg rikare.
Dei som lagar årboka Fronsbygdin: Frå venstre: Redaksjonssekretær Gard Espeland, redaktør Hildegunn Maria Haanes Ruset og redaktør Rasmus Stauri. Foto: Dølen
Gardar og slekter i Fron, bind 1, Sør-Fron av Einar Hovdhaugen. 
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar.
Historia om Fron, Bind 2 av Ragnar Øvrelid. 
Ragnar Øvrelid
Velskrive historieverk! Han fekk permisjon frå skulearbeidet i 1981-1982 for å skrive ei kortfatta historie, men stoffet var så rikt og kjeldetilfanget så stort at han vart sittande i fleire år med boka, i kveldstimar og feriar. To store bind vart det. Noko vi skal vere glade for. Han har verkeleg gjort fronshistoria levande. Bind 1 er utseld. Har du boka ståande i hylla og vil selje ho, kjøper historielaget !
Fron-slekter av Even Sveipe, Peter Sveipe og Jakob Haraldseid.
Boka "syner samanhangen frå ættled til ættled og skyldskapen mellom ættene. Vi vil vone at boka kan bli til litt hjelp for dei som seinare vil granske si ætt meir inngåande."
Fronsmålet av Gunnar Jenshus. 
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Matrikkel 1866
Tingbok del 1
Ragnvald Einbu: Kristningsmøtet på Hundorp 1021
F.v. redaksjonssekretær Gard Espeland og redaktørane Per Ottesen og Rasmus Stauri.
Fron historielag 