Litt av ein kulturkveld da Fronsbygdin 2021 vart lansert på Dale-Gudbrands gard. Boka i seg sjølv er særs innhaldsrik, slik Gard Espeland presenterte ho, men her var det mange i tillegg som løfta kvelden. Øyvind Sund med nokre Prøysen-viser og ikkje minst nydelege, poetiske tekstar med framifrå gitarspel attåt og varm og triveleg presentasjon. Ola Breivega, som i samtale med Rasmus Stauri såg tilbake på dei harde språkpolitiske 1970-åra med humor, før Breivega las om ei lokkande prestefrue – og stoppa med blygsla intakt. Æresmedlemskap til Gard Espeland og Rasmus Stauri kom som julekvelden på gubben, som han sa, Stauri. Så vart det triveleg attåtprat og mat og kaffi, og har dei ikkje gått heim, driv dei vel på ennå.
Og nå er det berre å få tak i boka.
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 200 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar. 
Ragnar Øvrelid
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Ragnvald Einbu: Kristningsmøtet på Hundorp 1021
Fron historielag 