Daily Archives: 3. juli 2020

Mest lest i juni

I juni var flest lesarar opptekne av å bli kjent i Ruste. 517 klikka seg inn på invitasjonen, bortimot 40 møtte fram, og referatet fra turen kan du lese her.  Fire artiklar fekk fleire enn 400 lesarar. Ei lita historie om Kvam nådde 445, medan ho Petra som slo seg til i USA og stunda heim til Sødorp, møtte 429 klikk. Peder Nilsen fortel om si tid som gjetar kring 1820 for ei forsamling på 416 lesarar.  Kven er desse lesarane? Det er jo dykk som les dette, og i juni budde 280 av dykk i USA, 49 i Sverige, 41 i Irland, 38 i Danmark, 21 i Tyskland og 16 i Italia.

Lodver Bryhn (til venstre) og Anders Haugen har i fleire år arrangert Bli kjent i Ruste. Her står dei midt på «Kjørkjelésletta» og orienterer om sundstaden nedanfor Båtberget. Foto: Birgit Haugen.

Ole Chr. Risdal: Det blei ei triveleg og interessant vandring i Ruste førre torsdag. Bortimot 40 personar møtte opp i finvéret da Lodver Bryhn og Anders Haugen nok ein gong arrangerte Bli kjent i Ruste. Denne gongen tok dei for seg Skinne, Skinnehaugen, Tarud, Flata, Båtberget og Piparstugu. Les meir →