Vel møtt til lanseringa av Fronsbygdin 2019
Her er det klart for Fronsbygdin 2019 torsdag 24. oktober kl 19.
I år har Fronsbygdin truleg større vingefang enn nokon gong. Frå skihopp til sykebesøk med dans, frå togtur til siste hestetur, frå ei hytte som ligg feil til sjukekassa i Nord-Fron. Alt dette blir lansert på Dale-Gudbrands gard torsdag 24. oktober kl 19. Og det blir ein kulturkveld! Ringebukvartetten speler, Odd Jan Skiubakken fortel om motstandsmannen Hans Skriubakken, Gard Espeland dansar seg gjennom alle artiklane i boka, og Rasmus Stauri leiar lanseringa. Kaffi og biteti blir det ôg.
Ringebukvartetten byr på musikk for nokon og kvar
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 200 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar. 
Ragnar Øvrelid
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Ragnvald Einbu: Kristningsmøtet på Hundorp 1021
Fron historielag 