Det lakkar og lir mot Peer Gynt-stemnet. Frøningane har grunn til å vere nøgde med Ibsen. Men var Ibsen nøgd med frøningane? Nei. Det har vore gjort mykje av Henrik Ibsen og vandringa hans gjennom Fron i 1862. Ikkje så rart, ettersom han skreiv seg inn i verdslitteraturen fem år seinare med Peer Gynt. Men kva seier han sjølv om Fron? Ikkje så mykje å koke suppe på i dagboka hans, nei. Han er vel mest vonbroten over at dei har så lite å fortelje han: Les meir
Monthly Archives: juli 2018
Vonbroten Ibsen
Filed under Folketru, Kunst og handverk, Litteratur
Skråtobakk mot hoggorm
Dersom kyrne kom tidleg åt seter´n att om kvelden, vart det støtt fint vêr dagen etter. Foto: Anton Løkken
MARGIT LYKKJOM OG ANTON LØKKEN: Kvar sommar vaska eg heile selet. Det lukta så godt av kvitskura vegger og tak og golv med einerkvister på. Dessutan måtte gjerdet rundt kvea stellast på. Dei snøtunge vintrane var harde med gjerdet. Alt arbeidet ute var sjølsagt kararbeid. Les meir
– Takk for så mye informasjon
Ein kar i USA har skrive artikkel om kampane i Kvam
CARL HENRIK GRØNDAHL: Ei glede å sjå at heimesida til historielaget fungerer godt slik ho er tenkt: Å gjere lokalhistorisk stoff frå Fron tilgjengeleg for skribentar og forskarar og alle andre interesserte over heile verda. Facebook-sida til historielaget fekk ei triveleg melding frå Mike Frerichs, som bur i Alaska og er frå Nebraska. Han har skrive ein artikkel for leksikon-sida Wikipedia og har forfedre frå Kvam:
I just completed an article for Wikipedia on the World War II battle for Kvam, Norway. This is the village where our grandfather Berg’s family is from. The farm name was Klevstadberget seter, and I put the farm’s location on the map in the article. I’ve been there several times. Grandpa Berg had a cousin killed in the war, and mom remembered him getting some legal papers to sign after the war.
Som ein kan sjå av litteraturlista, har han funne fram til Ragnar Øvrelids historiebøker og mykje anna fordi stoffet er lagt ut på heimesidene: Les meir
Filed under Informasjon, Krig, Kunst og handverk
Frøningar og valdrisar i kamp
Vinstervatnet. Fiske i vatn som låg i eit slikt tvidragsbyte, vart på både sider helde for mest jamngodt med å bryte seg inn i stabburet til kvarandre. Måleri: Sigmund Hernæs
IVAR KLEIVEN: Like frå medelalderen har Fron hatt strid om bygdagrensa mot østre Slidre i Valdres, og det har nok ein og annan gong gått allt anna enn lausleg til. Det har drive opp til heile slag, som det har gått ord om i mannsaldre og ennå lever att minne om. Det er grensa mellom østre Slidre og Fron bortved Vinstervatna som det all sin dag har vore usemje om. Striden er nok like gamal som Svartedauden, for fiske i vatn som låg i eit slikt tvidragsbyte, vart på både sider helde for mest jamngodt med å bryte seg inn i stabburet til kvarandre. Les meir
Filed under Biografiar, Jakt og fiske, Menn
Da Frya gjekk i lufta
1960. Eksplosjon på Frya. Eit under at ikke heile grenda gjekk i lufta.
GUNNAR LIEN: 19. mai 1960 braut det ut brann med kraftige eksplosjonar i ammunisjonslageret på Frya. Med all den fryktelege sprengkrafta som låg lagra der, var det berre eit under at heile grenda ikkje gjekk i lufta, og at ingen mista livet eller vart alvorleg skadde. Les meir
Filed under Krig, Verksemder
Nørstegard som bygdatun?
Historielaget ville ta på seg drifta av den gamle garden
ASBJØRN RINGEN I GUDBRANDSDØLEN 6. JUNI 1970: Det er ikkje lite som openberrar seg når ein tek til å grave i skuffer og skap på Nørstegard i Øverbygda på Sør-Fron. Sør-frøningen Sverre Melgård kjøpte Nørstegard for nokre få år sidan av Østen Gunstad. – I skøtet for garden står det at eg ikkje fekk ta over alt før den gamle eigaren var død, fortel Melgård. – Det var to rom og eit loft i eit anna hus som eg ikkje fekk og ikkje hadde nøkkel til. Østen Gunstad døydde i vinter, og i mai tok vi til å leite for å finne nøklar til desse romma. Vi fann dei i eit skap og kunne låse oss inn. Såvidt eg veit, hadde desse romma da vore avlåste i meir enn 40 år, så det var ganske spennande å gå inn og sjå, sier Melgård.
Filed under Biografiar, Jordbruk, Kunst og handverk, Menn
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 250 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar. 
Ragnar Øvrelid
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Ragnvald Einbu: Kristningsmøtet på Hundorp 1021
Fron historielag 