Å vera barn på Vinstra på 1950-talet

Litt om då Vinstra voks så det knaka, og det var verkstadfilm kvar måndag

poPER OTTESEN: For oss barna i Vinstra sentrum først på 1950-talet var det ein spanande plass å vekse opp. Trafikken i Riksveg 50, som han heitte då, var stor, og det var mykje spanande å sjå. Ein gong vart eg overkjørt av same drosje to gonger på ei veke, då vi kjørte kjelke frå Haanshusgarden og rett nedi riksvegen. Men bortsett frå ein reprimande frå mor mi gjekk det bra.

Dette var den tida då anleggsarbeidet for nedre Vinstra kraftanlegg kom i gang, og det vart mykje folk her, fleire hadde pengar og kunne spela bajas, og mange såg moglegheiter ved å etablere bedrifter her – og mange anleggsarbeidarer såg at dei hadde arbeid her i fleire år og bygde seg hus. Vinstra voks så det knaka.

Høyer Ellefsen hadde verkstad på elvebreidda nedanfor stasjonen. Kvar måndag hadde dei «verkstadfilm», og vi ungane fekk koma og sjå på. Vi såg mange artige filmar. Eg hugsar godt at vi såg Edvard Persson synge «Jag har bott vid en landsväg i hela mit liv.» Filmen heitte Söder om landsvägen og var frå 1936. Det var fint. Men ein kveld opna filmen med at vi brått såg inn i hundrevis asiatiske ansikt, som alle skreik og lynte med augene. Det var starten på Koreakrigen, og eg fekk panikk og rømte frå kinolokalet for aldri meir å koma attende. Kanskje vart eg litt meir vaksen etter denne opplevinga? Verda var ikkje berre sol og sirupskake…

Utdrag frå artikkelen «Nedregata før ´Terian kom» i Fronsbygdin 2013

 

Kommenter innlegget

Filed under Biografiar, Menn

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google+ photo

Du kommenterer no med Google+-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

w

Koplar til %s