Dei vart vel oppdaga ved Jetningen
KRISTIAN HOSAR: Etter unionsoppløysinga kom ingen svensk prins eller konge til Gålå att før utpå 1970-talet. Da vart den unge kongen, Carl Gustaf, fritt vilt for pressa. Han budde i hytta til ein Oslo-famlie saman med tyske Silvia Sommerlath. Ho hadde han treft under München-OL i 1972. Han var den mest ettertrakta ungkaren i Europa, og det var ikkje lett å få vere i fred.
Sonen på Bergengren-hytta, eller Bugge-hytta, hadde gått på skule saman med han og lånte bort hytta til Silvia, Carl Gustaf og følgjet deira. Dei to gjekk vanlege skiturar i området, blant anna mot Jetningen og Blåbærfjellet. Kristine og Albert Wadahl følgde med. Carl Gustaf bar sjølv ein stor ryggsekk, kanskje for å gøyme seg mest mogleg bort. Men så lak det ut at kongen var på Gålå. Og maken til pressejakt og paparazzifotografering har gudbrandsdølane ikkje opplevd korkje før eller seinare.
Redigert utdrag frå artikkelen «Kongebesøk i Fron gjennom 1000 år» i Fronsbygdin 2006
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 250 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar. 
Ragnar Øvrelid
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Ragnvald Einbu: Kristningsmøtet på Hundorp 1021
Fron historielag 