Treskeverk med mykje støv. Bilde frå Arve Skurdal/Vegar Skar
ALFRED ROLVSBAKKEN FORTEL TIL RAGNAR ØVRELID: Hausten 1933 var eg med på tresking hos åtte gardbrukarar, som eigde treskemaskin i fellesskap. For å bli med på treskinga måtte ein tinge på om våren, det var mange som gjerne ville vere med på dette arbeidet, som var betre betalt enn vanleg gardarbeid. På treskinga fekk vi 2 kroner for ein 10 timars dag, pluss kost og losji. På gardsarbeid berre ei krone dagen. Vi treska i seks veker på dei åtte gardane, det vart 360 timar. På dei 360 timane tente vi 72 kroner, og eg hugsar eg tykte det var mykje. Sommaren 1934 var eg gardgut på ein gard. Eg hadde 25 kronar månden, pluss kost og losji, og kosten var god. Det var 10 timars dag, 60 timars veke. Ein månad kjøpte eg eit par sko og ei bukse. Skoene kosta 16 kroner og buksa 9 kroner. Slik gjekk heile månadslønna til eit par sko og ei bukse av billegaste slag.
Frå boka Historia om Fron bind 2
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 200 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar. 
Ragnar Øvrelid
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Ragnvald Einbu: Kristningsmøtet på Hundorp 1021
Fron historielag 