NM på ski på Gålå er nettopp avslutta. Deltakarane og arrangøren pustar ut. (Bilde: Pål Kristiansen/Vegar Skar)
Marit Bjørgen og Therese Johaug fekk ikkje noko gratis i dag. (Foto: Odd Tarud/Vegar Skar) Les meir
Monthly Archives: mars 2014
NM på ski
Filed under Idrett
Har du idear? 10 000 kr i premiar.
Fron historielag innbyr til konkurranse om den beste lokalhistoriske videoen frå Fron. Videoen skal vera på omlag 10 min, kan byggje på intervju, demonstrasjon av praktisk arbeid, gamle foto og filmar. Juryen legg vekt på innhald, originalitet og teknisk kvalitet. Les meir
Filed under Informasjon
NSB har skulda
Tankelaust av NSB
CARL HENRIK GRØNDAHL: I drøftinga om ny trasé for E6 er det tenkt konsekvensar. Ein kan lure på kva dei tenkte da jernbanen kom til Fron i 1896. Det vart vekst. Ja. Men i ettertid kan ein nok seie at NSB ikkje handla klokt. Dei gjorde det vanskeleg å utvikle tettstadane Hundorp og Vinstra. No slit frøningane med vedtak fatta for meir enn 120 år sidan.
Filed under Kommunikasjon, Verksemder
Ruste e» gamledågå 3
OLE CHR. RISDAL: Tredje og siste delen av Ruste e» gamledågå. Her er første del og andre del.
Filed under Kunst og handverk, Musikk, Verksemder
Meheinkjehågån og Smikop
Mange av dei i Meheinkjehågån
PER ÅSMUNDSTAD: Namna Meheinkjehågån og Smikopp, ofte skrivi Smikop, finst truleg berre i Kvikne. Å smikke opp ei stugu skal vera opphavet til Smikop, og meheinkje er eit anna namn på mygg. Kva med den longe nedlagde plassen Bendas under Åsmundstad? Det blir sagt at det var ein norddøl som fekk rydda seg ein heim der. Det var mykje strev med steinbrot, så folk spurde norddølen korleis han kunne finne på å slå seg ned på eit såpass travaleg stelle. Det var da han svara: «Nogo må ein bendast med.» Uttrykket var såpass fremmendt at det feste seg som plassnamn. (Henta frå Fronsbygdin 2004)
Filed under Kunst og handverk, Språk
Folkesymfonisk fest på Rudi gard
Øystein Rudi med harpe og KORK
Historisk da folkemusikkgruppa Kvarts inviterte KORK til ein folkesymfonisk fest i konsertlåven på Rudi gard sommaren 2010. Konserten vart send på NRK2 laurdag 22. mars 2014. Du kan sjå og høyre han her. Solistar: Sondre Bratland, Linn Andrea Fuglseth, Birger Mistereggen Dirigent: Hans Ek.
Filed under Kunst og handverk, Musikk
Ruste é gamledågå 2
OLE CHR. RISDAL: Her er andre delen av filmen Ruste é gamledågå. Første delen finn du her.
Filed under Jordbruk, Kunst og handverk, Verksemder
Calle Jularbo på Vinstra
Mange år seinare: Harald Rudi og bassen saman med Fron trekkspillklubb
HARALD RUDI: Dersom minnet er rett, var det i 1952 at den svenske gamaldanskongen Calle Jularbo turnerte i Gudbrandsdalen fyrste gongen. Som rimeleg var stoppa kvartetten for å underhalde på Vinstra. Dette var heller sjeldan kost den gongen, og det vart fortalt at det kom folk heilt frå Skjåk uvisst om dei fekk billett eller ikkje. Bakaren på Vinstra kommenterte dette med følgjande replikk: «Jau, frå Skjåk kom tu på sykkel, og tu på måfå.» Fortel noko om tida, det! Les meir
Filed under Biografiar, Kunst og handverk, Menn, Musikk
Ruste é gamledågå 1
OLE CHR. RISDAL: I 1985 hadde elevane på Ruste skole eit spennande prosjekt. Dei var svært interessert i å få vete meir om gamle tradisjonar, og fekk tak i folk som kunne vise fram kultur, tradisjonar og handverk. Dei kalla prosjektet «Ruste é gamledågå» og sørga for at det vart filma. Det viste seg at Birgit og Reidar Haugen i Ruste hadde filmen, og eg fekk ein kopi av den. Historielaget sender hermed ein stor takk til desse! Her er det sikkert mange som kjenner att både seg sjølv og andre. På filmen er det berre sett namn på instruktørane. Filmen er på halvannan time og måtte delast opp i tre delar. Dette er del 1.
Filed under Kunst og handverk, Verksemder
Gåmålt frå Qvam
Årets første «Gåmålt» er komme frå trykkeriet, melder Kvam Historiske Forening. Mellom anna med ein artikkel om da Bjørnstjerne Bjørnson kom til folkehøgskulen. Får du ikkje bladet, stikk innom Abaris, så skal det bli ei råd, seier Facebook-sida til foreninga.
Filed under Informasjon
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 250 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar. 
Ragnar Øvrelid
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Ragnvald Einbu: Kristningsmøtet på Hundorp 1021
Fron historielag 