Fron historielag ønskjer alle eit godt nytt år! Vi takkar for innsats, engasjement og interesse i 2013! Sidan denne heimesida vart sett opp i april 2013, har det vore meir enn 50 000 treff frå alle verdsdelar. På Facebook-sida, som vart oppretta 8. november, er det nå meir enn 1200 som følgjer oss, og mange gjer ein framifrå jobb med å identifisere bilde vi legg ut. Vårt nyttårsønskje er uttrykt av Mukampen spelmannslag og Høgtid av Helge Hysjulien frå ein konsert i Sødorp kyrkje før jul.
Filed under Informasjon
Illustrasjonsbilde
OLE CHR. RISDAL I samband med innføringa av konfirmasjonen i 1736, vart det sett fart i leseopplæringa og folkeopplysninga i Noreg. Men det skulle gå lang tid før ein fekk omvendt alle heidningar. Det var som regel prestane som hadde denne utakksame oppgåva. Her i Fron fekk sokneprest David Schiøth erfare kor vanskeleg denne jobben kunne vere. Her kan du høyre Torger T. Risdal fortelje om ein gong han skulle omvende nokre skåbyggingar:
Meir å høyre her.
Filed under Biografiar, Folketru, Menn
Ta kontakt med Vegar Skar!
Har du gamle foto frå Fron av historisk interesse? Fron historielag skannar dei for deg. Gamle negativ eller glassplåter? Inga hindring. Laget digitaliserer òg gamle filmar med allmenn interesse. Ta kontakt med Vegar Skar, tlf 61296783 eller 90735767. Du får dei att digitalisert på ein CD, historielaget får retten til å bruke dei i publikasjonar og på nettet. Foto i eit album blir skanna utan at ein treng ta dei ut. Og gamle foto som er skadde, kan ofte reparerast med Photoshop. Lesarane på Facebook-sida gir ofte god hjelp til å kjenne att folk og stader på gamle bilde som blir lagt ut der. Historielaget har etter kvart bygd opp ei stor fotosamling, som kjem til å få stor verdi i framtida. Vegar Skar har halde på i meir enn fem år med dette arbeidet. No ventar han berre på deg.
Filed under Informasjon
Husmannstue. Foto: Pål Kluften
EINAR HOVDHAUGEN: Domen over husmannsskipnaden har vore heller streng. Sterkt engasjerte kjensler, sosiale motsetningar og politiske synsmåtar har her farga synet. Den objektive historiske vurdering av husmannsskipnaden har vi enda ikkje fått. Her er både lys- og skyggesider. Historisk sett kan ein truleg sjå husmannsskipnaden som den einast mulege løysing på det folkepress Fron opplevde. Som rydningsbolk hører rydningsbolken til husmennene til dei store landnåmstider i bygdahistoria. Les meir
Filed under Jordbruk
Med denne songen ønskjer Fron historielag alle i Fron og alle i Norge og i verda som les denne heimesida, ei riktig god, fredeleg og historisk jul! 13. desember inviterte Vinstra Musikklag til førjulskonsert i Sødorp kyrkje. Dei hadde fått med seg Mukampen spelmannslag, og da fekk ein høyre både gammaldans og fengjande jazzmusikk i den ærverdige kyrkja frå 1752. I Mukampen finn ein fleire medlemmar frå musikklina på Vinstra vidaregåande, blant andre Mari Midtli. Her er ho solist på «Det hev ei rose sprunge».
Filed under Informasjon, Musikk
Bilde frå Stig Skurdal Grytting/Vegar Skar
Pilegrimsherberget på Sygard Grytting i Sør-Fron er den einaste profane bygninga frå katolsk tid, i bruk for vandrarar langs pilegrimsleia mellom Oslo og Nidaros. Eit 700 år gamalt verna kulturminne som tek imot vandrarar frå både inn- og utland. Kva er motiva for å vandre til slike herberge i dag? Se video.
Filed under Folketru, Kommunikasjon
Vegar Skar – klar til å skænne fleire bilde.
Han har gjort eit uhorveleg stort arbeid for lokalhistoria i Fron dei siste 4-5 åra. Det er ingen annan måte å seie det på. –Eg vart spurt av Fron historielag om eg ville, seier Vegar Skar, – og sjølvsagt ville eg det. Så kosta laget på han skikkeleg utstyr, og nå har han «skænna» bortimot 37 000 foto frå ulike familiealbum. Trettisjutusen! Det tar om lag tre minutt å «skænne» eit bilde. Så da er det berre å rekne ut. Det skulle bli 111 000 minutt, dvs 1850 timar, eller omlag eit heilt årsverk. Les meir
Filed under Kunst og handverk
Kvar vart det av totalafholdsforeningen Mjølner?
Filed under Biografiar, Informasjon
Julekonsert i Sør-Fron kyrkje
BJARNE JETLUND: Hausten 2003 starta Knut Tvete og eg opp med restaureringsarbeid på ytterglasa i Sør-Fron kjørkje. Det vart eit spennande og interessant arbeid. Særleg glasa mot sør og aust måtte det stellast mykje på. Dei var målingsslitne, og ikkje så reint lite av kittet var borte. Ein del av rutene var sprukne. Vi veit ikkje for visst kva som kan vera grunnen. Men glasveden var god. Rettnok versliten, men utan råteskadar. Dei hadde funne gode emne, dei gamle. Glasgrindene er laga av ekte, god feitved, truleg seinvaksen fjellfuru. Når vi brukte varmelampe for å bløyte opp gamal kitt, kom det framleis tjære ut av treet. Les meir
Filed under Kunst og handverk
Logoen til Fron historielag, teikna av kunstnaren Ragnvald Frøysadal etter ein gamal kyrkjering frå Steig i Sør-Fron.
Rakfisken på plass! Filert, flådd eller i butt.
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 200 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Carl Henrik Grøndahl
carlhenrikgrondahl at gmail.com
Nå er tida for å kose seg med Frons-historie i godstolen. Vi har mykje godt på lager!
Fronsbygdin alle årgangar 2003-2022. Her er det allsidige, nyttige, morosame og tankevekkjande artiklar som teiknar eit fargerikt bilde av generasjonar, av draumar og slit, liv og død, kvardag og fest. Er du fortruleg med fortida, er du på lag med framtida. Fronsbygdin gjer deg rikare.
Dei som lagar årboka Fronsbygdin: Frå venstre: Redaksjonssekretær Gard Espeland, redaktør Hildegunn Maria Haanes Ruset og redaktør Rasmus Stauri. Foto: Dølen
Gardar og slekter i Fron, bind 1, Sør-Fron av Einar Hovdhaugen. 
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar.
Historia om Fron, Bind 2 av Ragnar Øvrelid. 
Ragnar Øvrelid
Velskrive historieverk! Han fekk permisjon frå skulearbeidet i 1981-1982 for å skrive ei kortfatta historie, men stoffet var så rikt og kjeldetilfanget så stort at han vart sittande i fleire år med boka, i kveldstimar og feriar. To store bind vart det. Noko vi skal vere glade for. Han har verkeleg gjort fronshistoria levande. Bind 1 er utseld. Har du boka ståande i hylla og vil selje ho, kjøper historielaget !
Fron-slekter av Even Sveipe, Peter Sveipe og Jakob Haraldseid.
Boka "syner samanhangen frå ættled til ættled og skyldskapen mellom ættene. Vi vil vone at boka kan bli til litt hjelp for dei som seinare vil granske si ætt meir inngåande."
Fronsmålet av Gunnar Jenshus. 
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Matrikkel 1866
Tingbok del 1
Ragnvald Einbu: Kristningsmøtet på Hundorp 1021
F.v. redaksjonssekretær Gard Espeland og redaktørane Per Ottesen og Rasmus Stauri.
Fron historielag 