Heimesida på russisk
Google kan omsetje denne historiebloggen til alle språk du kan tenkje deg. Blir mykje rart – Google er ikkje heilt stø i nynorsk – men forståeleg. Klikk på orda opp til høgre: Translate this page, så får du heile bloggen på interessant engelsk. Fransk. Svensk. Kinesisk. Spansk. Russisk. Latin. Arabisk.
Filed under Informasjon
Er det artiklar du likar her på historiebloggen? Legg gjerne ei lenkje inn på facebook-sida di. I denne stua er det plass til mange lesarar.
Filed under Uncategorized
Dei vart ein gong gravlagde ved Listad-kyrkja. (Foto: Tore Tagestad / Dølen)
Ein flom tar ikkje omsyn til at noko er freda. Ein gammal gravplass etter Listad-kyrkja i bruk fram til 1792 vart vaska ut. Hodeskallar og beinrestar låg nedover på jordet og langs vegen ned mot E6. NRK har saka: Les meir
Filed under Informasjon
Garnrasting i Vendalen
Denne bloggen er eit framifrå og lett tilgjengeleg arkiv for historiske bilde. Lett å leggje inn og lett å sjå og hente ut. Blogg-redaksjonen driv på med å få avtalar med dei som har gode, digitale bildearkiv frå Fron. Det kjem mange bilde etterkvart, men mange av kategoriane under er framleis tomme.
Portrett Frå Baukhol Frå Espedalen Frå Fefor Frå Frya Frå Gålå Frå Harpefoss Frå Hundorp Frå Kvam Frå Kvikne Frå Nerbygda Frå Nørdre Lia Frå Ruste Frå Ryssland Frå Skurdal Frå Skåbu Frå Sorperoa Frå Sødorp Frå Søre Lia Frå Tverrbygda Frå Vinstra Frå Øverbygda. Dette er dei førebels kategoriane med bilde som du finn under BILDE i menyen over. Har du bilde som bør ha plass her? Eller videoar du har lagt ut på på youtube? Ta kontakt med olerisdal at hotmail.com eller carl.grondahl at gmail.com. Ver med på å gjere historiebloggen til ei skattkiste!
Filed under Informasjon
Arve Skurdal (f 1927) er sentral i arbeidet med kulturstigen. Han er kjentmann og lokalhistorikar og kan fortelje mykje om verksemda ved Skodalsåa.
Harpefoss Turgruppe skal rydde og merke delar av gamle råk, som delvis går langsetter elva Skodalsåa våren 2013. Får vi til ein kulturstig langs delar av denne ruta, kan dette bli ein stad for vandring og oppdaging av levande historie i eit kulturlandskap med vakker natur. Sjå kart over kulturstigen under «Les meir». Skodalsåas Venner med tilknyting til Fron historielag og Harpefoss turgruppe er i gang med eit kjempeprosjekt! Les meir
Filed under Informasjon, Verksemder
Kva for ein kar var han som teikna logoen til historielaget du kan sjå oppe til venstre? Bygdekunstnaren Ragnvald Frøysadal. Han påverka mellom anna mange norsk-amerikanske rosemålarar:
I have studied with many Rosemaling teachers and have been influenced by all in some way. I have studied many styles, and paint and teach several of these. It is difficult to name who was most influential for me. Ragnvald Frøysadal taught me most of what I know about design and its similarity to nature. (Eldrid Skjold Arntzen, 2008)
Det kjem ein godt illustrert artikkel om han i Fronsbygdin 2013. Gled deg! Redaksjonen
Filed under Informasjon
Ole Christian Risdal, ansvarleg for den nye historiebloggen. Foto: Bjørn Sletten, Dølen.
«Denne sida er både tradisjonell og moderne på same tid. Eg vil kalle det ei digital historievandring gjennom fronsbygdene», seier Ole Christian Risdal til Dølen om den nye bloggen til Fron historielag. Tanken er å få til ein konstruktiv dialog om lokalhistorie, der det blir deling av kunnskap og diskusjon, i staden for at ein sit på kvar si tuve.
Den gamle sida vår var nokså amatørmessig, men vi i laget har ikkje hatt den nødvendige digitale kompetansen til å få gjort noko med det. Heldigvis kom vi i kontakt med Carl Henrik Grøndahl, som forbarma seg over oss og laga ei heilt ny nettside, ein historisk blogg,
seier Ole Christian Risdal, som lovar å vera på hugget og tilby nye gamle nyheiter heile tida. «Ei side som ikkje er oppdatert, blir fort utdatert. Det skal ikkje vi bli.»
Filed under Informasjon
Per Mellesmo – stortingsmann 1954-77
PER OTTESEN: «Du veit eg hadde kneskjelven, så det var lenge før eg torde gå på talarstolen», smiler Per Mellesmo på spørsmål om han hugsar første gongen han tala i Stortinget. Og «Stortings-Per», som sambygdingar omtala han medan han sat på Tinget, legg til at å gå på talarstolen i Stortinget blir ein aldri van med. ”Nei, det er ikkje slik som i eit bygdahus eller eit kommunestyre. Det er meir høgtid og alvor i Stortinget. Der må ein vege orda sine betre”. Les meir
Filed under Biografiar, Menn
Logoen til Fron historielag, teikna av kunstnaren Ragnvald Frøysadal etter ein gamal kyrkjering frå Steig i Sør-Fron.
Rakfisken på plass! Filert, flådd eller i butt.
Fron historielag er ein idealistisk organisasjon. Vil du bidra til at ho lever vidare? Støtt det arbeidet Fron historielag gjer her og på andre område. Bli medlem. Berre 250 kroner til konto 2095 32 92735, Fron historielag, 2640 Vinstra. Oppgje epostadresse. La oss gjere dette saman.
Carl Henrik Grøndahl
carlhenrikgrondahl at gmail.com
Nå er tida for å kose seg med Frons-historie i godstolen. Vi har mykje godt på lager!
Fronsbygdin alle årgangar 2003-2022. Her er det allsidige, nyttige, morosame og tankevekkjande artiklar som teiknar eit fargerikt bilde av generasjonar, av draumar og slit, liv og død, kvardag og fest. Er du fortruleg med fortida, er du på lag med framtida. Fronsbygdin gjer deg rikare.
Dei som lagar årboka Fronsbygdin: Frå venstre: Redaksjonssekretær Gard Espeland, redaktør Hildegunn Maria Haanes Ruset og redaktør Rasmus Stauri. Foto: Dølen
Gardar og slekter i Fron, bind 1, Sør-Fron av Einar Hovdhaugen. 
Her er det ikkje berre grundig gards- og slektshistorie. Hovdhaugen skriv òg om utvandring og utflytting, om husmenn og tilhøvet mellom husmann og bonde og fleire andre tema. Denne boka må ein berre ha i hylla! Bind 1 om Nord-Fron er utseld. Har du eit eksemplar ståande og vil selje, er historielaget kjøpar.
Historia om Fron, Bind 2 av Ragnar Øvrelid. 
Ragnar Øvrelid
Velskrive historieverk! Han fekk permisjon frå skulearbeidet i 1981-1982 for å skrive ei kortfatta historie, men stoffet var så rikt og kjeldetilfanget så stort at han vart sittande i fleire år med boka, i kveldstimar og feriar. To store bind vart det. Noko vi skal vere glade for. Han har verkeleg gjort fronshistoria levande. Bind 1 er utseld. Har du boka ståande i hylla og vil selje ho, kjøper historielaget !
Fron-slekter av Even Sveipe, Peter Sveipe og Jakob Haraldseid.
Boka "syner samanhangen frå ættled til ættled og skyldskapen mellom ættene. Vi vil vone at boka kan bli til litt hjelp for dei som seinare vil granske si ætt meir inngåande."
Fronsmålet av Gunnar Jenshus. 
"Eg vonar at ei bok som denne vil styrkje kjærleiken til og vørdnaden for bygdemålet. Dei norske bygdemåla er i slekt med dei fremste kulturspråka i verda."
Matrikkel 1866
Tingbok del 1
Ragnvald Einbu: Kristningsmøtet på Hundorp 1021
F.v. redaksjonssekretær Gard Espeland og redaktørane Per Ottesen og Rasmus Stauri.
Fron historielag 